Бразилия акыркы 80 жылдагы эң катуу суу ташкынын башынан өткөрдү. 39 адам каза болду

Бразилиянын түштүгүндө акыркы 80 жылдагы эң катуу суу ташкыны болду. Рио-Гранде-ду-Сул штатында 39 адам кырсыктын курмандыгы болуп, дагы 68 адам дайынсыз жоголгондордун тизмесинде, деп жазат CNN.

Басылманын маалыматы боюнча, жума күнү, 3-май күнү кечинде Порту-Аллегриде Патус көлүнүн дамбаларынын бири жарылып, шаардын түндүк аймактарын суу каптоо коркунучу жаралган.

Бразилиянын геологиялык кызматынын маалыматы боюнча, бул суу ташкыны акыркы 80 жылдагы эң чоң суу ташкыны болду. Кээ бир шаарларда суунун деңгээли эң жогорку деңгээлге жеткен (150 жылдан ашык). Кырсыктан буга чейин 350 миң адам жабыркап, 260тан ашуун муниципалитетти суу каптаган.

Куткаруу иштери кайык жана аба аркылуу жүргүзүлүүдө.