ККМге каршы митингге чыккандар Акылбек Жапаровдун отставкасын талап кылышууда (видео)

Бүгүн, 2-мартта Бишкектин Горький сейил багында соодагерлердин кассалык аппараттарды (ККМ) орнотууга каршы, ошондой эле министрлер кабинетинин башчысы Акылбек Жапаровго каршы митинги өтүп жатат.

Тема боюнча:

Бишкекте дүкөн ээлери митингге чыгышты. Видео

Митингге 500дөй адам чогулду. Алар Акылбек Жапаровдун жаңычылдыгына нааразы болуп, анын кызматтан кетишин талап кылышууда.

Белгилей кетсек, буга чейин контролдук-кассалык машиналарды колдонуудан бошотулган ишмердүүлүктүн тизмеси кеңейтилгени айтылган. Тизмеге төмөнкүлөр кирген:

• гезит күркөлөрүндө алкоголдук ичимдиктерди жана тамеки буюмдарын кошпогондо, гезиттерди жана журналдарды сатуу;
• гүл чарба азыктарын, айыл чарба азыктарын, нан азыктарын, кол арабалар менен сатылган улуттук жана алкоголсуз суусундуктарды, көчмө дүкөнчө жана күркөлөрдү колдонуу менен чекене сатуу;
• квасты, сүттү, алкоголсуз суусундуктарды жана улуттук суусундуктарды цистерналардан/бочкалардан чекене сатуу;
• окуу жайларында жайгашкан ашканаларда жана буфеттерде коомдук тамактануу кызматтары.