Нарында рейд учурунда төрт саатта жүздөн ашык жол эрежесин бузуу аныкталды
1259
Жол кыймылынын коопсуздугун камсыздоо башкы башкармалыгынын атайын ротасы Нарын облусунун аймагында жол унаа кырсыктарынын алдын алуу багытында атайын рейддик иш-чара жүргүзүп, төрт сааттын ичинде 102 жол эрежелерин бузган айдоочуларды аныктады.
Башкармалыктын маалыматына ылайык:
- мас абалында унаа башкаргандар - 4 айдоочу (баары чоң кызматтарда иштегендер);
- тийиштүү документтери жок - 1 унаа;
- мыйзамсыз кошумча жабдыктап алган (переоборудование) - 5 унаа;
- терезелерин мыйзамсыз караңгылатып алган -1 унаа;
- "Автоураган" аппараттык комлекси аркылуу ар кандай (издөөдө жүргөн, айып пулун төлөбөгөн жана башка) жол эрежесин бузган - 13 унаа аныкталган;
- башка жол эреже бузуулар - 78;
- ар кандай жол эрежелерин бузгандыгы үчүн 27 авто унаа убактылуу токтотуучу айып короого киргизилген.
"ЖКККББнын атайын ротасы жол кырсыктарынын алдын алуу максатында Кыргызстандын башка аймактарында да рейддик иш-чараларын улантат. Айрыкча мас абалында унаа башкарган айдоочуларга каттуу чаралар көрүлөт" , - деп айтылат маалыматта.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://vb.kaktus.media/11809
