Таластын мал базарында чөнтөкчү деген шектүүнү мамыга байлап салышкан
1890
Таластагы мал базарда чөнтөкчү деп кармалып, мамыга байланган кишинин видеосу социалдык тармактарда тарады.
Андан эки колу байланган адамды бир топ киши тегеректеп, ага кыйкырып жатканын көрүүгө болот.
Сүрөт: скрин
Ал бирөөнүн 150 миң сомун уурдап жатканда кармалганы айтылды. Мал базардан акчаларын уурдаткан бир катар адамдар да облустук милицияга кайрылышкан.
Бул маалыматты Талас облустук ички иштер башкармалыгынан ырастап, кылмышка шектүү милицияга жеткирилгенин, баары мыйзам чегинде карала турганын билдирди.
Сүрөт: Талас облустук ички иштер башкармалыгынын маалымат кызматы
Маалыматка ылайык, уурулукка шектүү деп Ысык-Көл облусунун Ысык-Көл районундагы Григорьев айылынын 34 жаштагы тургуну А. Э. экени аныкталды. Текшерүүдө андан 35 200 сом акча каражаты алынды.
Учурда териштирүү иштери жүрүп жатат.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://vb.kaktus.media/11934
