Кыргызстандын тышкы карызы өсүүдө. Бир жылдын ичинде ал 192,5 миллион долларга көбөйгөн
2722
Кыргызстандын тышкы карызы 2023-жылдын 28-февралына карата 4,4 миллиард долларды түздү. Бул тууралуу Каржы министрлиги жарыялаган маалыматта айтылат.
2022-жылдын 28-февралына салыштырмалуу республиканын тышкы карызы 4,4%га же 192,5 млн долларга көбөйгөн, ошол эле учурда 2023-жылдын февраль айында өткөн айга салыштырмалуу 26,3 млн долларга азайган.
Эске салсак, тышкы карыздын басымдуу бөлүгү, анын жалпы суммасынын 89%ы алты гана кредиторго туура келет - булар Кытайдын Экспорттук-импорттук банкы, Азия өнүктүрүү банкы, Эл аралык өнүктүрүү ассоциациясы, Эл аралык валюта фонду, Япониянын эл аралык кызматташуу агенттиги жана Ислам өнүктүрүү банкы.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://vb.kaktus.media/12091
