Бишкекте кулаган тик учак кырсыгынан жабыркагандардын бирине операция жасалды
2116
Бишкектин четинде кулаган аскердик тик учак кырсыгынан жабыркагандардын абалы боюнча Саламаттыкты сактоо министрлигинен Kaktus.kg сайтына маалымат беришти.
Белгилүү болгондой, бүгүн, 18-январга карата Тез жардам ооруканасында 8 адам дарыланууда. Реанимацияда жаткан төрт бейтаптын экөө палатага которулду. Дагы бир бейтапка операция жасалган, учурда дарыгерлердин көзөмөлүндө. Жабырлануучулардын экөө Улуттук госпиталда, алардын абалдары дагы туруктуу.
*****
17-январда Абадан кол салуудан коргоо күчтөрүнүн 23565 аскер бөлүгүнүн аймагында окуу-машыгуу учурунда Ми-8МТВ тик учагы кулады. Коргоо министрлигинин маалыматы боюнча, тик учактын кыйрашынан 11 адам жабыркап, экипаждын бир мүчөсү каза болду.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://vb.kaktus.media/15337
