Айсулуу Тыныбекова апрель айынын мыкты балбаны деп табылды
Дүйнөлүк күрөш уюму (UWW) Айсулуу Тыныбекованы апрель айынын мыктысы деп тапты. Отчеттук мезгилде Европа жана Азиянын лицензиялык турнирлери, ошондой эле Бишкек шаарында Азия чемпионаты өткөрүлдү.
"Тыныбекова Сакура Мотокиге үстөмдүк кылууну улантып, контрчабуулдарын болушунча эффективдүү пайдаланып, Азия чемпионатынын финалында атаандашын 9:6 эсебинде жеңди", - деп жазат UWW.
Ал эми эркин күрөш боюнча азербайжандык Хажи Алиев мыкты деп табылды. Ал Европанын учурдагы чемпиону Ислан Дудаевди 6:4 эсебинде жеңип, Париждеги Олимпиадага жолдомо уткан.
Грек-рим күрөшү боюнча апрель айында Бишкекте өткөн Азия чемпионатынын финалында Акжол Махмудовду жеңген япониялык Нао Кусака мыкты деп табылды.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://vb.kaktus.media/16059
