Ош шаарындагы Кызыл-Суу дарыясынан үч жашар баланын жансыз денеси табылды
Ош шаарынын Кызыл-Суу дарыясынан үч жашар баланын жансыз денеси табылды. Бул тууралуу Өзгөчө кырдаалдар министрлигинин басма сөз кызматы билдирди.
Буга чейин Ош облусунун Кара-Кулжа районундагы Ылай-Талаа айылында Кызыл-Суу дарыясына жаш бала агып кеткени маалымдалган. Окуя болгон жерде издөө иштерин жүргүзүү үчүн төрт куткаруучу тартылган.
Жүргүзүлгөн ыкчам-издөө иш-чараларынын натыйжасында саат 11:18 чамасында Кызыл-Суу дарыясынан 2021-жылы туулган Т.Э.нын жансыз денеси табылып, туугандарына өткөрүлүп берилген.
Башкы беттеги сүрөт: иллюстрациялык
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://vb.kaktus.media/16081
