Бишкек-Ош жолунда автокырсыктан 6 адамдын өмүрү кыйылды
4898
Бишкек-Ош жолунун 487-чакырымында Шамалды-Сай шаарына жакын жерде жол кырсыгы катталып, бир нече адам каза тапты. Жалал-Абад облустук жол кыймылын көзөмөлдөө башкармалыгынан окуя 11-августта болжол менен саат 04:45 чамасында катталганын ырастады.
1983-жылы туулган жарандын башкаруусундагы SsangYong Korando үлгүсүндөгү унаасы Бишкектен Ошту көздөй башкарып бара жатып, карама-каршы тилкеге чыгып 1986-жылы туулган жарандын башкаруусундагы Renault Premium унаасын сүзгөн.
"Кырсыктын кесепетинен жеринде 5 адам каза болуп, 1 жаран Шамалды-Сай шаарынын ооруканасынын жандандыруу бөлүмүндө эсине келбей көз жумду", - дешет башкармалыктан.
Башкы беттеги сүрөт иллюстрациялык.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://vb.kaktus.media/16951
