Талас жана Жалал-Абаддагы бала бакчалар 50 миң доллар инвестиция ала алат
Accelerate Prosperity (AP) USAID жана Ага Хан Фондунун We Care долбоорунун алкагында Талас жана Жалал-Абад облустарындагы жеке менчик бала бакчалар жана мектепке чейинки балдарды өнүктүрүү борборлору үчүн экинчи акселерация программасын ишке киргизүүдө.
Программага катышуу үчүн арыз берүүнүн акыркы мөөнөтү 7-октябрга чейин. Жеңүүчүлөр 50 000 долларга чейин инвестиция алышат.
Программа 2024-жылдын 14-октябрында башталат. Катышуучулар бизнес моделдөө жана каржылык талдоо боюнча 7 жумалык тренингден өтүшөт жана ар биринин жеке бизнес трекери болот. Мындан тышкары бизнес-эксперттер тобу ишкерлерге стратегиялык өнүгүү маселелери боюнча консультацияларды беришет. Катышуучулар мектепке чейинки билим берүү жана өнүктүрүү программаларын иштеп чыгууда эксперттик колдоону, бизнести масштабдоо үчүн максаттуу сегменттерди жана рынокторду аныктоону, ошондой эле кесипкөй бизнес-консультанттардын колдоосун камтыган интенсивдүү окутуу программасынан (бизнес акселератор) өтүүгө уникалдуу мүмкүнчүлүк алышат.
Бул We Care долбоору туруктуу балдарга кам көрүү кызматтарына жетүүнү камсыз кылуу аркылуу аялдардын мүмкүнчүлүктөрүн кеңейтүүгө багытталган.
Тандоо критерийлери
- жылына 250 000 сомдон кем эмес киреше
- мекемеде 30дан кем эмес бала
- жатакана, тамактануу, транспортту программанын катышуучулары өздөрү төлөйт
- бизнес акселератор Талас жана Жалал-Абад облустарында аралаш форматта (офлайн жана онлайн) өткөрүлөт
- өз ишинде жашыл технологияларды жана тажрыйбаларды колдонгон мекемелерге артыкчылык берилет
- аялдар башкарган компаниялар да артыкчылыкка ээ болот
Катталуу үчүн шилтеме бул жерде.
Программа АКШнын Эл аралык өнүктүрүү агенттиги (USAID) жана Ага Хан Фонду тарабынан каржыланган WE CARE долбоорунун алкагында ишке ашырылууда.
