Бабановдун демөөрчүлүгү менен Германияда "Кыргыз кызы" айкели орнотулду
Германиянын Эрфруд шаарында "Кыргыз кызы" скульптурасынын ачылыш аземи болду. Кыргызстандын Германиядагы элчиси Өмүрбек Текебаев билдиргендей, салтанат 8-октябрда өттү.
Элчинин айтымында, скульптура кыргыз жаштарынын Германияда билим жана тажрыйба алууга умтулуусунун символу болуп калды.
Иш-чарага Тюрингиянын премьер-министри Бодо Рамелов, Эрфурт соода-өнөр жай палатасынын президенти Дитер Баухаус, "Кыргыз кызы" скульптурасын негизги демөөрчүсү Кыргыз Республикасынын мурдагы премьер-министри Өмүрбек Бабанов, Тюрингиянын министрликтери менен ведомстволорунун өкүлдөрү, Тюрингиянын ишкерлери, Кыргызстандан келген ишке орноштуруу агенттиктеринин өкүлдөрү, студенттер жана Тюрингиядагы кыргыз диаспорасынын өкүлдөрү, катышышты", - дейт Текебаев.
Тюрингиядагы кыргыз диаспорасынын өкүлдөрү тарабынан иш-чаранын коноуторуна чакан концерт уюштурулуп, анда улуттук аспаптарда кыргыздын элдик ыр-күүлөрү жаңырып, келген конокторго кыргыздын улуттук тамак-аштары тартууланды.
