Казакстанда жарнамаларда орус тилин милдеттүү түрдө колдонуу жокко чыгарылды
Шаршемби күнү Казакстан парламентинин Мажилисинин (төмөнкү палатасы) депутаттары пленардык жыйында Сенаттын (жогорку палата) депутаттарынын визуалдык маалымат боюнча мыйзамдык түзөтүүлөр долбооруна өзгөртүүлөр жана толуктоолоруна макул болушту. Жарнамаларда казак тилин колдонуу шарт экенин РИА Новости кабарлаган.
Документ парламентте кабыл алынды деп эсептелип, мамлекет башчысына кол коюуга жөнөтүлөт.
Буга чейин парламенттин депутаты Берик Абдыгалиулы мыйзам долбоору менен административдик-аймактык бирдиктердин, калктуу конуштардын, ошондой эле башка географиялык объектилердин салттуу, тарыхый калыптанган казакча аталыштарын, формаларын жана белгилерин мамлекеттик (казак) тилде берүүгө багытталган нормалар киргизилгенин билдирген. Зарыл болгон учурда гана - орус жана башка тилдер колдонулат.
Колдонуудагы мыйзамдарга ылайык фирмалык бланктар, көрнөк-жарнактар, жарнамалар жана башка визуалдык маалыматтар казак жана орус тилдеринде, ал эми зарыл болгон учурда башка тилдерде берилет. Көргөзмө маалыматтын бардык тексттери төмөнкүдөй тартипте жайгаштырылат: сол же жогору жагында - мамлекеттик (казак) тилде, оң жагында же ылдый жагында - орус тилинде, бирдей өлчөмдөгү тамгалар менен жазылат.
