Эскертүү! ӨКМ аба ырайы кескин өзгөрөрүн билдирди

Өзгөчө кырдаалдар министрлиги 26-27-декабрда туруксуз аба ырайы болорун эскертет.

Бороон тууралуу эскертүү

26-декабрда күндүз жана 27-декабрда туруксуз аба ырайы күтүлөт.

26-декабрда күндүзү:

• Чүй, Талас, Ош, Жалал-Абад, Баткен облустарынын көпчүлүк аймактарында жаан, кар жаашы күтүлөт;
• тоо этектеринде жана тоолуу райондордо кар жаайт. Жалал-Абад, Баткен облустарынын кээ бир райондорунда жаан-чачын катуу болот;
• Ысык-Көл, Нарын облустарында жаан-чачын күтүлбөйт.

27-декабрда түнкүсүн:

Чүй, Талас, Ош, Жалал-Абад, Баткен облустарынын көпчүлүк аймактарында кар жаап, кээ бир райондордо жаан-чачын катуу жаайт;

Ысык-Көл, Нарын облустарынын кээ бир райондорунда жаан-чачын күтүлөт.

27-декабрда күндүз:

• Чүй, Ош, Жалал-Абад, Ысык-Көл облустарынын көпчүлүк аймактарында, Талас, Баткен, Нарын облустарынын кээ бир райондорунда кар жаайт.

Жолдордо кар күрткүсү болуп, муз тоңот. Кээ бир жерлерде батыштан соккон шамалдын ылдамдыгы секундасына 15-20 метрге чейин жетет.