Визажист Байнур Куштарбеков мүмкүнчүлүгү чектелген кыздын кыялын орундатты (видео)
Белгилүү визажист Байнур Куштарбеков Кочкордон Бишкекке макияж боюнча билим алуу үчүн келген 18 жаштагы Толкунай Муратбекованын кыялын орундатты.
Толкунайдын туулгандан бери бир колу жана экинчи колунун манжалары жок. Борборго көчүп келгенден кийин аны чакан сулуулук салонунун ээси Роза Бегалиева үйрөтөт. Анын өзүнүн да майыптыгы бар: аялды унаа сүзүп кеткенден кийин коляскада отурат.
Өткөн дем алыш күндөрү Байнур Толкунай иштеген салонго барып макияж жасап берүүнү суранган. Жасап жатканда Байнур жаңы жылдан кийин ага макияж жасоо билимин жогорулатуу курсун белек кыларын айткан. Кыз кубануу менен кабыл алды. Анын артынан Роза да курска катышууну суранганда "албетте болот" деп жооп берди.
Ошондой эле видеодо Ал Толкунайдын интервьюсун көрүп көзүнө жаш алганын айткан. "Анын интервьюсун көрүп, көзүмө жаш алдым, руху күчтүү жердешим бар экенине сыймыктандым! Албетте, бул кыздын ишке ашпаган аракеттерин көрүп, жөн эле өтүп кете албадым. Мен дароо менеджериме айтып, анын макияжына жашыруун жазылууну сурандым",- деди ал.
Куштарбеков анын негизги максаты жөн гана Толкунайды таанып, окууга мүмкүнчүлүк берүү экенин түшүндүрдү. "Январь айында Толкунай менен Роза эже квалификациясын жогорулатуу курсунан өтүшөт. Алардын айтымында, бул жаңы жылга эң жакшы белек болгон. Айткым келгени Толкунай жөнөкөй, бирок аябай күчтүү кыз. Кудай колдосун, баары алдыда! Ийгиликке жетесиң! Мен ишенем!" - деп жыйынтыктады ал.
