Уилл Смитке 10 жыл бою "Оскар" сыйлыгына катышууга тыюу салынды. Анын реакциясы
Америкалык актёр Уилл Смитке киноакадемиясынын иш-чараларына, анын ичинде 10 жыл бою "Оскар" сыйлыгына катышууга тыюу салган. Америкалык басылмалар анын реакциясын жазып чыгышты.
"Мен академиянын чечимин кабыл алам жана сыйлайм", - деди актёр.
Отчетто 94-Оскар сыйлыктары 2021-жылы укмуштуудай иштерди жасаган көптөгөн адамдардын майрамы болушу керек болчу деп айтылат. "Тилекке каршы анын оордуна Смит мырза сахнада туура эмес жана зыяндуу жүрүм-турумун көрсөттү", - деп айтылат Кинематография искусствосу жана илимдер академиясынын президенти жана башкы директору Дэвид Рубин менен Дон Хадсондун билдирүүсүндө.
27-марттан 28-мартка караган түнү актер Уилл Смит 94-Оскар сыйлыгын тапшыруу аземинде "Эң мыкты эркектин ролу" наамын жеңип алды. Бирок бул кеченин негизги окуяларынын бири сыйлык тапшыруу эмес, Смиттин алып баруучуну жаакка чапканы болуп калды. Актёр жубайынын чачына байланыштуу тамашага (Джада Пинкетт-Смиттин чачы түшүп калган оорудан жапа чегип келет) жооп кайтарбай коё алган эместигин айткан.
