Ысык-Көлгө саякаттап келген туристтер 6 саат тыгында калышкан
4568
Франциядан келген туристтер унаасы менен Ысык-Көлдүн Ара-Бел өрөөнүндө сууга тыгылып калышкан. Аларга кайгуул кызматын жүргүзгөн туристтик-экологиялык милициянын кызматкерлери жардам беришкен.
Ысык-Көл ОИИБден Kaktus.kg`ге маалымдашкандай, окуя 29-июлда болгон. Франциядан келген жубайлар Абдулла жана Фатима жол тандабас менен Ысык-Көл облусунда саякаттап жүрүшкөн.
Алар Ара-Бел сырт өрөөнүн көрүү үчүн суу аркылуу тоого жакыныраак барууга аракет кылышканда унаа тыгылып калган. Туристтер ал жерде дээрлик 6 саат туруп, үшүп калышкан.
Милиция кызматкерлери туристтерге жардам беришип, аларды жолдун коопсуз бөлүгүнө чыгарып коюшкан.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://vb.kaktus.media/7726
