Милиция Бишкектеги ок атышуунун жаңы жагдайларын айтты
3909
Бишкекте түндө орун алган ок атышуудан бир адам жабыркады. Бул туурасында Бишкек ШИИББдин маалымат кызматынан кабарлашты.
Окуя 7-августта Каарманский көчөсүндө болгон. Анда белгисиз адам октон жаракат алганы боюнча милицияга маалымат түшкөн. Жерине Биринчи Май РИИБинин тергөө тобу барып белгисиз үлгүдөгү тапанча, 1 даана патрон жана гильза табылган.
Алдын ала маалымат боюнча, ок атышуудан 1984-жылы туулган А.Р. аттуу жаран жаракат алып, оорукананын жандандыруу бөлүмүнө жаткырылган.
Аталган факты боюнча 280-беренеси "Бейбаштык" негизинде кылмыш иши козголуп, керектүү экспертизалар дайындалды.
Милициядан бүгүнкү күнгө чейин шектүүлөр табыла электигин, тиешелүү иш-чаралар улантылып жатканын кабарлашты.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://vb.kaktus.media/7871
