Садыр Жапаровдун Бириккен Араб Эмираттарына болгон иш сапары аяктады

Президент Садыр Жапаровдун Бириккен Араб Эмираттарына болгон иш сапары аяктады. Өлкө башчы 1-ноябрда Бишкек шаарына кайтып келгенин президенттик администрациядан кабарлашты.

Иш сапарынын алкагында:

• Садыр Жапаров БАЭ президенти шейх Мухаммед бин Заед Аль Нахайян менен жолугушуп, эки өлкө ортосундагы өнүгүп жаткан кызматташуу келечегин, соода-экономикалык, билим берүү, гуманитардык, инвестициялык жана башка өз ара кызыкчылык туудурган тармактардын маселелерин талкуулашты.
• Бир катар эки тараптуу документтерге кол коюлду. Анын ичинде 1 миллиард 200 миллион доллар суммасына чейинки ири коммерциялык өнүгүү долбоорлорун ишке ашырууну көздөгөн, уставдык фонду 100 миллион доллар болгон биргелешкен холдингдик компания түзүлдү.
• Ошондой эле иш сапардын алкагында мамлекет башчысы "Wahat Al Karama" мемориалдык комплексине барып, мекени үчүн курман болгон БАЭ баатырларынын элесине таазим кылып гүлчамбар койду.
• Бириккен Араб Эмираттарынын негиздөөчүсү жана биринчи президенти шейх Заед бин Султан Аль Нахаяндын күмбөзүнө, ошондой эле шейх Заеддин ысымы ыйгарылган мечитке барды.

1 из 6