Трамп: Путин акылдуу, көйгөй биздин лидерлердин келесоолугунда
АКШнын 45-президенти Дональд Трамп Россиянын Украинадагы аскерий операциясын айыптады. Ал эгер 2020-жылдагы АКШдагы шайлоолор бурмаланбаса, мындай окуя эч качан болмок эмес деп билдирди, деп жазат Коммерсант.
"Мен 21-кылымдын Россия башка өлкөгө кол сала албаган жалгыз президенти бойдон калам", - деди Трамп АКШнын консервативдик чөйрөлөр конференциясында (Reuters цитата кылган). Анын айтымында, Россия Жорж Буштун тушунда Грузияга "басып кирип", Барак Обаманын тушунда Крымды "алып", Жо Байдендин тушунда "Украинага басып кирген".
АКШнын мурдагы президенти Владимир Путинди акылдуу деп эсептей турганын айтты. "Мен чындыкты айтканды жактырам. Путин чындыгында акылдуу. Бирок, кеп анда эмес, чыныгы көйгөй биздин лидерлердин келесоолугунда", - деди Трамп.
