Министрлик бир катар аймактарда сел жүрүп, таш кулоо коркунучу бар экенини эскертти

Өзгөчө кырдаалдар министрлиги 29-июндан 2-июлга чейин өлкөдө аба ырайы туруксуз болуп, нөшөрлүү жаан-чачындан улам өлкөнүн тоолуу, тоо этектериндеги райондорунда сел жүрүп, дарыяларда суунун деңгээли көтөрүлүп, унаа жолдордо таш кулоо мүмкүндүгүн эскертет.

Тема боюнча:

Ноокатта сел 7 адамды агызып, бешөөнүн сөөгү табылды

Өзгөчө кырдаалдарга мониторинг жүргүзүү, божомолдоо департаментинин божомолуна ылайык, сел жүрүү жана таш кулоо төмөнкү тилкелерде активдешүүсү мүмкүн:

• Бишкек – Ош жолунун 285, 342-348, 358-362, 400, 411-426-чакырымдарында;
• Боом капчыгайындагы Бишкек – Балыкчы жолунун 112-128-чакырымында;
• Балыкчы – Бөкөнбаев жолунун 64-117-чакырымында;
• Талды-Суу – Аралдын 4-5-чакырымында;
• Мырзаке – Кара-Шоронун 18-28, 32-37, 44-56-чакырымындарында;
• Кербен – Ала-Бука – Каныш-Кыя жолунун 2-4, 12-13, 22-24-чакырымындарында;
• Ош – Исфана жолунун 64- 78, 125-138, 149-190-чакырымындарында.

ӨКМ жарандарды, айдоочуларды этият болууга, коопсуздук чараларын сактоого чакырат